நீங்கள் தினமும் எத்தனை சந்தர்ப்பங்களில் உங்கள் கைகளைக் கழுவுகின்றீர்கள்?  இதோசில பயன்தரும் குறிப்புக்கள்.

கைகழுவுவதால் தடிமன், இன்புளுவென்சா, ஈரழற்சி A, கிருமிகளால் உண்டாகும் வயிற்றோட்டம், புறொன்கியோலைற்றிஸ் போன்ற பல நோய்கள் வராமல் தடுக்கலாம்.

கைகழுவ வேண்டிய சில சந்தர்ப்பங்கள் :

1. உணவைத் தயாரிக்க முன்பு: இறைச்சி, கோழி போன்றவற்றைச் சுத்தம் செய்தபின்பு, சாப்பிட முன்பும் பின்பும்
2. கழிப்பறையைப்பாவித்த பின்பு, சுகாதாரத் துவாய்களை மாற்றிய பின்பு
3. காயங்களுக்கு மருந்திட முன்பும் பின்பும்
4. நோயாளிகளைக் கவனிக்க முன்பும் பின்பும்.
5. வைத்தியசாலைக்குச் சென்று வந்த பின்பு
6. கண்வில்லைகளை அணிய முன்பு, மூக்கைச் சீறியபின்பு கைகளில் இருமியிருந்தால் அல்லது தும்மியிருந்தால் அதன்பின்பு
7. குப்பை கூழங்கள், மண், அழுக்கு நிறைந்த இடங்களைக் கையாண்ட பின்பு
8. வளர்ப்புப் பிராணிகளுடன் விளையாடிய பின்பு.

எவ்வாறு கழுவுவது?

• கைகளைச் சவர்க்காரம் போட்டு ஒடும் நீரில் மூன்று முறை கழுவுங்கள்.
• பின்பு சவர்க்காரத்தினைக் குறைந்த பட்சம் 20 செக்கன்களுக்குக் கைகளில் தேயுங்கள்.
• அப்போது விரல் இடுக்குகள், நகங்களைச் சுற்றிய விரலின் நுனிப்பகுதி, உள்ளங்கை இறைகள் மற்றும் கையின் மேற்புறம் என்பவற்றைக் குறிப்பாகத் தேயுங்கள். பின் நன்றாகக் கைகளைக் கழுவுங்கள்
• கைகளைச்சுத்தமான துணி ஒன்றினால் துடையுங்கள்.

குறிப்பு- நீங்கள் பாவிப்பது கிருமி கொல்லி சேர்ந்த சவர்க்காரமாக இருக்கவேண்டியதில்லை. நீங்கள் கைகளைத் தேய்ப்பதில் செலவிடும் நேரமே முக்கியமானது.

டாக்டர். திருமதி.பிரதிபனா செல்வகரன்
நீரிழிவு சிகிச்சை நிலையம்,
யாழ். போதனா வைத்தியசாலை.