நீரிழிவை வெற்றி கொள்வோம்
நீரிழிவு நோயின் போது குருதியில் சீனியின் அளவு அதிகரித்துக் காணப்படும். இது இன்சுலின் என்னும் ஓமோன் பற்றாக்குறையினாலோ அல்லது இன்சுலின் ஓமோனை உடற்கலங்கள் எதிர்ப்பதனாலோ உண்டாகும். இந் நோயைப் பின்வரும் முறைகளினால் கட்டுப்படுத்தலாம்.
- மருந்துக்கட்டுப்பாடு
- உணவுக்கட்டுப்பாடு
- உடற்பயிற்சி
இம் மூன்று முறையினாலும் நீரிழிவு நோயைத் திறமையான முறையில் கட்டுப்பாட்டில் வைத்திருக்கலாம்.
நீரிழிவு நோய்க்கான உணவு முறைகள்
- பயறு, கௌப்பி, உழுந்து முதலான பருப்பு வகைகளை உட்கொள்வது மிகவும் நல்லது. இது உங்களுக்கு மேலதிக புரதச்சத்தையும் கொடுக்கும்.
- அதிக மீனை உட்கொள்ளலாம் அதிகப்படியாக மாட்டிறைச்சி, பன்றி இறைச்சி, ஆட்டிறைச்சி உட்கொள்வதைத் தவிர்க்கவும் பதிலாகத் தோல் நீக்கப்பட்ட கோழி இறைச்சியை உட்கொள்ளலாம்.
- எளிய வெல்லம் உண்ணல் ஆகாது. எனவே கேக், புடிங், வட்டிலப்பம், இனிப்புப் பண்டங்கள் அத்துடன் சீனி, தேன், சக்கரை, பேரீச்சம்பழம், பிளம்ஸ் கலந்து மேற்கொள்ளப்பட்ட உணவு வகைகளைத் தவிர்த்தல் வேண்டும்.
- சிவப்பரிசி மாவினால் தயாரிக்கப்பட்ட பாண் மற்றும் உணவு வகைகள், ஆட்டா மாவினால் தயாரிக்கப்பட்ட உணவு வகைகளை இலை வகை உணவுகளுடன் சேர்த்து உண்ணலாம்.
- வெள்ளை அரிசி, தீட்டிய மாவினால் தயாரிக்கப்பட்ட உணவு வகைகள், கோதுமை மாவினால் தயாரிக்கப்பட்ட உணவு வகைகளைக் குறைத்து கொள்வது நல்லது.
- ஒரு வாரத்தில் நீங்கள் இரண்டு முழுமையான முட்டையை உட்கொள்ளலாம். மேலதிகமாயின் முட்டை வெண்கருவை மட்டும் உண்ணலாம்.
- சோயா அல்லது சோயாவினால் தயாரிக்கப்பட்ட உணவு வகைகளை உண்ணலாம். இது உங்களது குருதியில் உள்ள சீனியின் அளவை சாதாரண நிலையில் பேண உதவும்.
- அதிகப்படியான கொழுப்புச்சத்து அடங்கிய உணவுகளைத் தவிர்க்கவும். எனவே கொழுப்பு நீக்கப்பட்ட அல்லது கொழுப்பற்ற பால்மாவை உபயோகிக்கவும் மோர் குடிப்பது மிகவும் நல்லது.
- அதிகம் பொரித்த உணவுகள் (கட்லட், வடை, பற்றீஸ்) தவிர்க்கப்பட வேண்டும்.
- இரண்டாவது அல்லது மூன்றாவது தேங்காய்பாலை உபயோகித்து உணவு வகைகளை தயாரிப்பது சிறந்தது.
தவிர்க்கப்பட வேண்டிய உணவுகள்
- சீனி, சக்கரை, தேன், ஜாம், ஜெலி, இனிப்புப்பண்டங்கள், சொக்லட், புடிங், ஐஸ்கிறீம், வட்டிலப்பம், கேக்.
- சீனி சேர்க்கப்பட்டு செயற்கையாகத் தயாரிக்கப்பட்ட பழரசபானங்கள் மற்றைய பானங்கள்.
- பட்டர், சீஸ், எண்ணெயில் பொரிக்கப்பட்ட உணவுகள்.
- பன்றி, ஆடு, மாடு, போன்றவற்றின் இறைச்சி, ஈரல், மூளை.
- பதப்படுத்திய இறைச்சி (சொசேஜ், உப்பிடப்பட்ட பன்றி இறைச்சி, பன்றியின் பதனிடப்பட்ட தொடை இறைச்சி, Meat balls)
- அதிக உப்பு கலந்த உணவுகள் – உப்பு சேர்ந்த பிஸ்கட், தகரத்தில் அடைக்கப்பட்ட உணவுகள், ஊறுகாய், சிப்ஸ், உப்புக் கலந்த கச்சான், மர முந்திரிகை.
- பேரீச்சம்பழம், பிளம்ஸ், தகரத்தில் அடைக்கப்பட்ட பழங்கள்.
- மாம்பழம், முந்திரிகைப்பழம், கப்பல் வாழைப்பழம்.
போதிய அளவில் உட்கொள்ள வேண்டிய உணவுகள்
- பயறு, உழுந்து, கௌப்பி முதலான பருப்பு வகைகள்.
- கொழுப்பற்ற பால், கொழுப்பற்ற பால் கலந்த உணவுகள் (சீனி அற்ற யோக்கட்)
- மீன், தோல் நீக்கிய கோழி இறைச்சி.
அளவாக உண்ண வேண்டிய உணவுகள்
- உருளைக்கிழங்கு,
- சீனவத்தாளங்கிழங்கு
- சாம்பல் மொந்தல் வாழை
- பூசணிக்காய்
பொதுவாகப் பாவிக்கக்கூடிய மரக்கறிகள்
- அவரை இனம்
- பச்சை இலைக்காய்கறி
- நோகோல்
- பயிற்றங்காய்
- வெண்டிக்காய்
- வல்லாரை
- கோவா
- வெள்ளரிக்காய்
- புடலங்காய்
- லீக்ஸ்
- பொன்னாங்காணி
- சிறகவரை
- ஈரப்பலாக்காய்
பழங்கள் ஒரு நாளிற்கு
- வாழைப்பழம் 3
- அப்பிள் 1 ½
- விளாம்பழம் 1 ½ பங்கு சாதாரண அளவுள்ள பழத்தில் அல்லது சிறிய பழமெனின் 3
- கொய்யாப்பழம் 1 ½ அல்லது 3
- அன்னாசி 3 சிறிய துண்டு
- அதிக நார்ச்சத்துள்ள மரக்கறிகளை உண்ணவும்.
- நார்ச்சத்துள்ள பழங்கள், பழரச பானங்களை விடச் சிறந்தது.
- மேலும் இந் நீரிழிவு நோயாளர்களுக்கு ஓரளவாகப் பழுத்த பழங்கள் முற்றிலும் அல்லது நன்கு பழுத்த பழங்களை விட சிறந்தது.
- மாம்பழம், முந்திரிகைப்பழம், பலாப்பழம் போன்ற பழவகைகள் உட்கொள்வதைத் தவிர்க்கவும் அல்லது கட்டுப்படுத்தவும்.
பொதுவான தகவல்கள்
- குருதியில் சீனியின் அளவு தேவையற்ற விதமாகக் குறையுமாயின் மயக்கம், நடுக்கம், அதிகமாக வியர்த்தல் போன்ற அறிகுறிகள் காணப்படலாம். இந் நேரத்தில் இரண்டு தேக்கரண்டி கரைத்த சீனி அல்லது 2 தேக்கரண்டி குளுக்கோஸ் அல்லது 1 Glass பழரசபானம் எடுக்கவும்.
- இந் நிலமை அடிக்கடி நிகழுமாயின் வைத்தியரின் ஆலோசனையை உடனடியாகப் பெறவும்.
- நீங்கள் சிகரெட் புகைப்பவராயின் முற்றாக அதை நிறுத்தவும்.
- நீங்கள் அதிக உடற்பருமன் உடையவராயின் தரப்பட்ட தகவல்களின் படி உடல் நிறையைக் குறைத்து இலட்சிய நிறையைப் பெறவும். இது பின்பு வரும் நோய்ச்சிக்கல்களைக் குறைக்கும்.
- தினமும் உடற்பயிற்சி செய்ய பழகவும்.
Posted in கட்டுரைகள்